王祖藍李亞男二女出生 大鼻似爸爸會醜嗎

王祖藍與李亞藍的第二個愛情結晶品出世喇！王祖藍在社交網晒出一家四口幸福合照，留言：三個女人一臺戲不要像我就可以，gabby寶貝生日快樂。大女Gabby被指愈大愈靚似媽咪李亞藍，連身高都超出她的年齡，好彩唔似王祖藍，不過細女就難講喇！因為王祖藍自爆細女個鼻大過家姐好多，看來遺傳了他的家族大鼻，一人似一個，好公平吖！

王祖藍再做人父，他興奮地在社交網宣佈細女已出世，並晒出一家四口合照，相中見王祖藍負責抱住大女，老婆李亞男抱住細女，一齊向BB送吻，場面非常有愛！王祖藍細女英文名叫Hayley，中文名叫王海靜，王祖藍同李亞男表示第一眼見到Hayley好感動。

生大女前，王祖藍與李亞男都擔心囡囡個樣似爸爸大鼻，亦好擔心BB身高，不過大女Gabby識得似，愈大愈似媽咪，亦比同齡小朋友高，不過今胎冇咁好彩，李亞男笑言第一眼見到細女Hayley時，覺得好搞笑同神奇，因為BB與家姐一模一樣樣，見到她就好似見到剛剛出世的家姐，唯一有一點唔同，就是Hayley個鼻仲大過家姐，系一個大鼻妹。雖然初生細女似足王祖藍有個大鼻，但李亞男仍然好感恩。不過王祖藍就應該有點擔心，他在社交網留言希望細女不要像他就可以。

至於李亞男再生第二胎是否已沒有第一胎咁緊張，她說因為有了第一次的經驗，亦因為是剖腹生產，所有事情都按照住schedule發生，所以今次真系冇咁緊張同激動，但那種開心同奇妙的感覺依然是非筆墨所能形容。據知為了BB順利出世，王祖藍可以說是做足準備，不但一早就安排李亞男和女兒前往內地居住方便貼身照顧，11月時王祖藍更被傳媒踢爆已經找了一家頂級醫院讓李亞男待產，並且隨時停工陪產及照顧女兒，廿四孝人夫人父做到一百分。