晶女郎樑敏儀近況曝光 轉行賣蛋糕遇熟人尷尬避面

昔日晶女郎、曾拍過《金錢帝國》及《賭城風雲》等電影的樑敏儀因疫情關係，已超過一年沒登臺工作，日前被發現在觀塘某間大型蛋糕店做店員，收銀及招呼客人一腳踢。她受訪時坦承為了養家，之前連倉務員都做過，又透露在餅店工作期間曾遇上演藝同行，起初會尷尬地背向他們，但現已衝破心理關口。

疫情陰霾下演藝界工作驟減，不少藝人被迫轉行，影星樑敏儀亦不例外。現年45歲的她，於1999年參選港姐入行，曾拍過不少三級片，包括《金瓶梅II愛的奴隸》、《安非他命》及《古惑仔：江湖新秩序》等，不乏大膽床戲。

隨著年紀漸長，她揚言不會再拍三級片，笑言沒人想看姐姐剝衫，近年改以登臺工作為主，惟在疫情打擊下，她為了生計無奈轉型。日前她就被發現穿上制服在觀塘一間大型蛋糕店開工，要負責招呼客人、包蛋糕、衝咖啡及收銀等工作，忙得團團轉，全程表現熟手及專業，至傍晚近7時才換便服收工。

敏儀事後受訪時承認在蛋糕店打工，透露以前收入來源主要是北上登臺，惟疫情爆發後所有工作叫停，她只好另謀出路：最初系炒散（散工），兼職做倉務、麵包烘焙等，後來見疫情一直冇退就決定搵長工，喺蛋糕店做咗近一年。（會唔會唔習慣？）初時唔慣，有20年冇做服務性行業，有啲客人要求高。（有冇受到客人不禮貌對待？）有時啲客都幾難照顧，但嗰刻要對住渠哋笑。

由藝人轉做服務性行業，她坦言初時未能放下心理包袱，尤其遇到同行時更感尷尬：有啲客認出我，有啲系認到把聲。我亦遇過同行，嚟一、兩次我都唔敢正視，背對住渠，後來見多一、兩次就覺得要豁出去，我都系工作啫，自己放低咗仲開心。（同事知唔知你係藝人？）渠哋有問我以前做咩工，但渠哋後生，未必睇過我演慨戲。我話返內地多，做Entertainment，渠哋曾經話傳聞你拍過戲，我就話：『系咩？傳聞你唔好信。』

結婚6年的敏儀坦言收入大減要節衣縮食，幸而從事設計工作的老公未受疫情影響，對她亦很體貼，曾叮囑她若太辛苦就辭職：我怕我唔做會亂諗嘢，其實份工唔算好辛苦，系長時間企。她指這份工作得來不易，之前見過幾份工都未獲聘用：主要系我唔知點寫CV（履歷），要寫之前做過咩，唔通叫人上網打我個名搵？仲要咁性感。我只寫喺內地做娛樂工作，見工時渠會覺得你唔夠坦誠，叫你等訊息，試過幾次都系呢個問題。所以今次我好坦白，見工時話系演員，因為疫情留港，要搵份工。

問到現時內地疫情緩和，會否參考其他藝人長留內地工作？敏儀表示不會考慮：上去最多留幾個月，唔會長住，我喺香港有老公同家人。至於將來有何打算？她坦言仍是未知之數，但必須有一技之長，計劃讀咖啡課程自我增值，希望將來可以開咖啡店，同時未忘演藝本業：我年初都有拍戲，感恩兩邊夾到時間。希望多啲本土戲開拍，如果將來通關都會返內地登臺。