香港明星喜歡改名能改運嗎？楊怡羅仲謙夫婦齊改名

16年結婚、今年四月誕下囡囡羅翊心，楊怡同羅仲謙呢一對上月26日同步出po宣佈齊齊改名，楊怡變咗楊茜堯，羅仲謙則成為羅子溢。其實為咗入行有觀眾緣、為改運為健康都好，圈中大把明星藝人改名甚至一改再改，不過改完名後到底有冇紅咗？則人各有異。

楊茜堯、羅子溢

改名唔算奇，楊怡同羅仲謙本來已經繫一線小生花旦、出道多年一早走紅，亦都人人叫慣個名都照改，仲要兩公婆一齊改都算系娛樂圈第一對，二人話系經歷各種轉變為家人更好而決定。

李佳芯

原名李嘉馨，2012年Ali轉投無線時順手改埋新名李佳芯。改名後話咁快加入戲劇組，仲坐穩一線花旦之列，不過Ali就解釋話系美術老師幫手改名，希望從此身體健康。入行

李施嬅

2015年將名字從李詩韻改為李施嬅，係為咗紀念逝世慨嫲嫲，皆因由細到大嫲嫲向來叫慣施嬅喎，不過改完名李施嬅真系連事業都順風順水。

蕭正楠

蕭正楠原名蕭錦麟，名字系蕭爺爺改落希望孫仔好似魚兒一樣自由暢泳一生悠然。而02年做歌星入行，唱片公司就專門搵相士改名，有指因五行欠木，所以叫正楠。而今時今日慨蕭正楠亦穩坐TVB 一線小生之位，愈撈愈掂。

吳卓羲

原名叫吳兆棠慨吳卓羲，據知系因為94年12月1日，喺公主道發生一宗三死兩傷嚴重交通意外中大難不死，及後改名轉運，之後事業愈見暢旺。

江若琳

入行15年，13年有傳曾因為同星煥一姐鍾嘉欣爭寵盛傳提早解約。今年五月，江若琳宣佈以全新自己迎接簽約新公司，展開新一頁，改埋新名叫江伊晴。

楊明

原名林楊明，後改名林明樂，入行初期改藝名揚名，寓意揚名立萬，後來因為運氣欠佳改做楊明。依家終於上位做到男一，總算如願以償。

鍾欣潼

原名鍾狄珊，阿嬌兩歲時改名鍾嘉勵，01年改藝名鍾欣桐與阿Sa組成Twins入行，迅即暴紅。13年再次宣佈本名同藝名都改為鍾欣潼。

周勵淇

原名周麗琪，入行後改藝名為周麗淇後，事業順風順水，不過用足十七年慨藝名亦於18年都宣佈再改成周勵淇，取其勉勵之意，之後仲帶旺姻緣結埋婚。

王浩信

今時今日視帝王浩信慨名響噹噹，其實做歌手出身、在新疆烏魯木齊市出世、童年至隨父母移居香港，王浩信原名其實叫王昊。

唐詩詠

入行拍廣告做model年代原名叫唐思盈，其後轉入影視幕前工作，據悉唐詩詠改名都系問過師傅意見，新名有助事業運又可以擋緋聞喎！

林峰

出生於廈門，林峰原名叫林匯文，其後改名做林逸峰，直至98年加入藝員訓練班前，改咗藝名叫林峰，演而優則唱，星途暢旺。

鄧紫棋

鄧紫棋原名鄧詩穎，都系16歲出道時為咗更有氣場至改過藝名，同時將英文名Gloria都改埋叫GEM，意思系GetEverybodyMoving。

陳柏宇

睇開陳太符曉薇YouTubeChannel實知道，Leanne成日開口埋口大聲呼喝老公做陳廣偉，系呀，呢個至系陳柏宇真名！06年出道時，唱片公司嫌個名太娘改咗，連原本英文名Ivan都改埋叫Jason。

樑競徽

叫慣渠唯唯慨樑烈唯，於去年初元旦日宣佈改名樑競徽，好多人開頭接受唔到，不過事隔就快兩年，都已經習以為常。