亞洲小姐2020真空西裝造型曝光

今屆亞洲小姐2020競選香港區決賽本來於10月10日在港舉行，不過早前曾傳出因亞視財困要爛尾，選舉日子要改期，本來有21位佳麗入圍，惟恐說好的入圍獎金一萬元隨時落空，有7位先後退選，只剩下14位留低鬥過，波折重重下定於下月1日舉行決賽。日前亞視安排住麗以西裝造型拍攝臺上造型照，要求各佳麗真空上陣，bra都冇得戴，託都冇得託之下，結果全部變晒飛機場，網民大叫失望。

本來有21位入圍佳麗，因為決賽要延期又傳出亞視財困，只剩下14位自動入圍。 左起2號林寶玉、5號何雙妍及2號周倩誼。本來有21位入圍佳麗，因為決賽要延期又傳出亞視財困，只剩下14位自動入圍。左起2號林寶玉、5號何雙妍及2號周倩誼。

香港小姐2020速戰速決好快就出爐，差不多時間進行招募的亞洲小姐2020就搞足幾個月都未選到，當日大會宣佈成功入圍決賽的15位佳麗可穩袋1萬元獎金，成為亞姐大中華冠軍更可獲得100萬獎金，對比無線以疫巿筍工作招徠的5,000元底薪更吸引，不過有傳亞視因財困，令競選流程一拖再拖，其中7位佳麗恐怕獎金凍過水，更自動舉白旗退選唔玩，亞視慳水慳力唔使淘汰就有14位佳麗直入決賽。

14位佳麗留低繼續鬥，亞視宣佈2020 亞洲小姐香港區決賽將於11月1日舉行，日前安排眾佳麗拍攝臺上造型照，分別有西裝造型和星空Cyber 感的旗袍造型。當中西裝造型率先曝光，穿上黑色西裝褸加西裝短褲的14位佳麗，竟然要真空上陣，連Nu Bra 都冇得戴，難得班女仔大部分都自我感覺良好。3號周倩誼表示覺得自己好型，能顯出自我的感覺，8號高文君是第一次這樣穿著西裝，裡面沒有穿恤衫顯得特別Deep V，她覺得真的有點性感。

11號陳美濤覺得因為不能帶Bra不會特別擠出波濤洶湧，她也不是走這路線，有點不自然。14號張凱琳接受能力頗高，她認為造型構思很有獨立、自主、新潮前衛的感覺，真空坦蕩蕩都是第一次，是個不錯的嘗試。佳麗們冇得揀，感覺如何都要照著，結果飛bra欠缺承託力，谷都冇得谷，影出來的造型照罅都冇一條，變晒ipad身材，而網民的評價都好一致，他們都認為這個造型完全沒有睇頭，既不性感亦冇美感，似足夜場宣傳照，總之就劣評如潮。選美都系想鬥樣鬥身材，著中空西裝又唔畀谷胸，絕對是嘥料！