胡定欣男友是誰？婚姻不順求風水屋

有名有利的胡定欣獨欠姻緣運，無仔最寂寞，據知她曾求見隱世風水師苗師傅，在高人指點下要搬去香港南邊向海之地，才有望感情有著落。今年已39歲的胡定欣抓緊時間，半年前進駐港島南區一間全海景的風水屋，要離開居住多年的將軍澳區及跑步隊友，可見她對愛情有多渴求。新居靠山望海，胡定欣一有空就獨自外出跑步，一個女人仔跑到攰終需搵個膊頭挨下，希望胡定欣唔使等太耐就有人陪跑啦！

向來篤信風水命理的胡定欣，近年在好友黎耀祥介紹下認識了隱世高人苗師傅，苗師傅為人低調，是娛樂圈人包括古天樂、張智霖、袁詠儀、黎耀祥、陳豪等御用的風水師。有傳經他指點，只要跟足師傅吩咐擺陣，好快就見效，所以大家都愈搬愈豪，愈住愈富貴。不過苗師傅並非話見就見，亦不是來者不拒，他只為有緣人睇風水命理，亦無特定要收多少酬金，不過搵得苗師傅的圈中人都唔會出手低。

半年前已祕密搬入港島南區新居的胡定欣，日前在社交網上載了一張由其寓所望出去海天一色的靚景，發文宣佈離開無線加入邵氏，並多謝一直以來幫助她的人。

據知胡定欣早前為了急救姻緣求見苗師傅，知情者透露：定欣一直都住將軍澳區，師傅話嗰度會旺渠事業運但姻緣會好差，如果想快啲有拖拍就要搬去香港南區近海慨地方，間屋望到愈多水愈好，咁樣會更加催旺桃花運，事業同姻緣都會好。定欣幾乎所有老死都住將軍澳同西貢區，其實都好掙扎，不過為咗終身幸福，渠梗系搬啦！最終渠喺港島南區搵到個望住無敵大海景慨單位，嗰度系豪宅區，住客都非富則貴，增加遇到筍盤慨機率。以前定欣對結婚生仔都好有憧憬，成就愈高就對另一半要求更高，但又想好似好姊妹胡杏兒咁一搵到t就快速拉埋兼生仔，都真系幾矛盾，定欣出年就40歲，佢好鐘意小朋友，唔想做高齡產婦。搬屋後胡定欣更上一層樓，雖然t仍未蒲頭，但她即告別效力十八年的孃家無線，落實簽約邵氏在事業上再搏殺。

胡定欣與謝東閔、陳山聰及胡蓓蔚等因愛上跑步而組成Crazy Runner，以往不時約埋跑步與行山，自胡定欣搬去港島住已不見他們再有活動。

早前胡定欣與黎耀祥及曹永廉等一齊接受訪問，提及以風水命理增強運勢，她直認不諱表示為了搵師傅指點迷津等了大半年，不過她對改名轉運非常抗拒，她說：我搵師傅唔會一嚟就問感情，桃花運即系觀眾緣，我會問渠點樣可以提升觀眾緣先，工作問完之後先問姻緣，師傅都叫我唔好要求咁高，呢啲都系做人小道理，係一種提醒。都有師傅話我個『欣』字有個欠字會爭啲，但我冇諗過改名，個名系長輩改慨，唔會輕易改。

早前胡定欣與黎耀祥及曹永廉一齊上由阿Bob和伍詠薇主持的無線節目《 Tiger's Talk》，原來三人是搵同一個風水師，胡定欣仲自爆風水師提點她擇偶要求唔好咁高。

胡定欣與胡杏兒、李施嬅、黃智雯等好姊妹組成胡說八道會，當中只有胡杏兒與胡蓓蔚已婚，愛情運最弱的可算是四年未發市的胡定欣。