向海嵐港姐變珠寶女強人 揭成龍女友向華強姪女兩大謎團
向海嵐是1998年度的四料港姐,在TVB度過了十年青春,當人人都爭做正派女主角,向海嵐卻卸下港姐包袱,憑扮演奸妃角色上位,劇集《無頭東宮》和《楊貴妃》都是代表作。
2008年向海嵐選擇離開TVB,轉行向商界發展,卸下港姐光環的她,現在是一名珠寶業女強人,由港姐到奸妃到女強人,23年人生路漫漫。
從來沒被問價
現在46歲的向海嵐,這天以珠寶店老闆的身份,在位於蘭桂坊的樓上店接受《蘋果》專訪,香港寸金尺土,能在中環開店不簡單,就算是樓上店租金都唔平,有本錢開珠寶店亦不簡單,鎮店之寶——一隻拍賣值逾億元的翡翠戒指更不簡單,誰想到港姐出身的向海嵐能夠成功解鎖。
講真,主要投資當然唔系我,我係出力嗰個,拍檔做開呢行同設計,所以渠哋投資會系大啲,我係好小部份,只系一個小股東。公司Legacy Lab於2018年成立,她對珠寶生意發生興趣,全因一個緣字,其實之前真系冇諗過做珠寶,尤其以前做藝人時,身上戴慨珠寶基本上系贊助,真系冇乜研究,點解嚟到呢行,可能系我同翡翠慨緣份,我想買件禮物送畀朋友,諗起拍檔系做玉,慢慢同渠傾好多呢方面慨嘢,傾嚇傾嚇渠想揾我做活動嘉賓,再傾不如開鋪頭,我哋想將傳統翡翠變得時尚,唔好以為只有阿媽阿婆先戴。
做生意難免要應酬,既是港姐冠軍又是藝人身份,好奇向海嵐曾否遇過有色眼鏡?被要求作出交換或揾着數?又冇乜喎,可能我本身唔鐘意應酬,儘量唔去。我又幾好彩,冇乜點遇過呢類型慨嘢,可能因為我畀人感覺太cool,唔系隨便有嘢交換,你話好多譬如睇新聞邊個有乜價,我係從來冇接觸過呢樣嘢。但你話有冇包袱呢?我覺得有,身邊朋友會幫我定咗型,覺得你係藝人系港姐,同你食飯系咪要去高貴地方,其實我一樣好鐘意去食茶餐廳大牌檔,你哋唔需要幫我標籤,我都系普通人一個,可以融合大家生活。
逃離TVB放開自己
近兩年經濟不好,珠寶生意更加難做,尤其是2020全年都系疫情,對我哋好大打擊,冇曬派對同喜慶活動,真系少咗好多好多生意,租約又到期,曾經有刻諗過放唔放棄,但我同拍檔都幾樂觀正面,成個氣候令消費力減弱,尋求其他出路,日常可以戴慨簡約款式。
由藝人轉行做商人,向海嵐花了很多年學習,2008年離開舊公司去上海做嘢,完全由幕前轉做返office慨OL,到後期出返嚟做幕前,而家做生意,我覺得喺上海十年,令我成長好多,選完港姐之後,我只系喺TVB工作,一個好細慨範圍,嗰時每日拍劇做主持去活動,永遠只系做呢啲,睇唔到出面慨世界系點樣。
雖然當年已是女一,《無頭東宮》和《楊貴妃》都好受歡迎,但向海嵐不想做井底之蛙,2008年決定離開TVB,嗰陣時因為始終喺舊公司做咗十年,真系覺得自己去到樽頸位,我係咪要繼續咁做落去?所以,當時有機會去上海工作,我就接受咗呢個機會,覺得我可以跳出去,睇一睇其他嘢,我覺得系啱,而家畀我再行一次,我都系咁選擇。成個人好似冇咗框框,可以放膽睇好多嘢,放開咗自己。
離開娛樂圈後,向海嵐到上海發展,為瑞安集團的上海新天地擔任公關,嗰陣時好多人問我,如果08年你唔系退出咗呢行,而系返大陸繼續做演藝,會唔會發展得更好?我可以話畀你聽未必繫好,雖然嗰陣時好多香港藝人返國內工作,但我覺得當時自己性格同演戲方法,我去慨話可能只系由呢個框框跳去另一個框框。
人要有經歷才成長,2015年向海嵐復出客串電影《有客到》,2年後與蔣志光做舞台劇《我和青天有個祕密》大受歡迎,又為ATV主持清談節目《今晚見》,前年參與ViuTV節目《香港親善小姐》,現在則是珠寶店老闆,46歲的她保養得很好,但講到感情問題,卻嘻哈説冇拍拖,未呀,哈哈哈,好慘呀呢樣嘢,幾年冇拍啦,我相信緣份,亦覺得會有,我亦曾經試過覺得,不如是旦啦,差唔多啱就試嚇,但原來唔得,我亦試過好多唔同方法,揀到最盡覺得呢個系最好而去開始,但最後又唔得,所以而家冇得急去揾,擇偶條件亦講唔到畀你聽,我覺得好多時兩人相處溝通方法,唔同階段唔一樣。
46歲認恨嫁
向海嵐坦言沒受過情傷,只是未遇到Mr. Right,現年46歲的她揚言恨嫁,我恨㗎,如果有個人同我求婚,我可能會應承。我唔排除閃婚,但都要遇到啱先。N年前她曾跟成龍傳緋聞,究竟有冇拍過拖?呢個真繫有啲無厘頭,我當時都唔繫好明點解有呢樣嘢出嚟,我覺得系一個歷史,都幾得意,但事實系冇囉,真系冇特別認識,只喺活動見過,佢冇追過我。
當年還有一個傳聞,指她是向華強姪女,所以沒圈中人敢得罪她,向海嵐沒好氣,呢個又繫好冤枉,最得意嗰陣系咁傳,有記者問渠哋,但唔系問我,記得渠哋回覆:『我哋家族咁大,系都唔出奇。』自此之後,大家覺得真系,但完全冇呢樣嘢,姓向系我爸爸自己改,所以你問返我,我阿爺並唔系姓向,大家誤傳咗咁耐。我屋企亦唔繫有錢,我都要努力揾錢努力工作。
-
井柏然《張公案》被曝正式改名, 集數也被刪減了能開播嗎
隨着耽改題材劇火了,之後有不少耽改劇也開拍了,其中就有井柏然、宋威龍主演的《張公案》,這是一部雙男主劇。然而從開拍到待播有點坎坷,近日被曝正式改名為《君子盟》了,不光如此,連集數也被刪減了,都做到這份上了,那麼能開播嗎?井柏然張公案改名眾所周知,在清朗行動展開...
-
騰訊視頻已上線選集解鎖 .仍被吐槽取消超前點播!
自從有了超前點播這個模式後,追劇追的不是很爽,網友的看法各有不同,更多的是吐槽和不滿,解鎖集數多了不划算。此前電視劇《掃黑風暴》就因超前點播要逐集解鎖遭批評了,如今騰訊視頻已上線選集解鎖,但但仍被吐槽一點都沒有改變,望取消超前點播的模式。騰訊視頻已上線選...
-
周冰倩老公是何政軍嗎? 爾東強與周冰倩是什麼關係
周冰倩這個名字也許許多人都很陌生但是楊鈺瑩這個名字相信很多人都知道,兩人是差不多同時代的歌手,現如今的周冰倩早已不在娛樂圈,相關的消息少之又少,而楊鈺瑩就不一樣了。周冰倩曾參加過1996年的春晚,一首《真的好想你》曾讓她紅極一時,但是周冰倩的名氣也是隨着時...
-
劉曉潔與老公徐洪浩是怎麼認識的? 2人感情現狀如何?
不少網友都十分的好奇,劉曉潔的老公是誰,他就是徐洪浩,劉曉潔和徐洪浩之間的夫妻關係,並沒有對外有任何的隱瞞,或許是因為劉曉潔和徐洪浩合作了太多次了,大家都一位他們僅僅就是劇中夫妻而已,令大家沒有想到的是,2人早就結緣,在2009年的時候,共結連理,並且在2010年的時候,...