盧慧敏試音準備踏入樂壇 男友Ian被矇在鼓裡

盧慧敏（Amy）與許廷鏗（Alfred）今天於沙田出席口罩概念店活動。一直以來當模特兒的Amy，透露正在試音，準備涉足歌唱事業，問到是否受到男友陳卓賢（Ian）影響？她說：唔系，系公司想我有唔同發展機會。Ian會否充當老師？Amy說：唔系，我會跟女老師學。事前沒跟男友提及，被問會否怕被Ian罵？她笑笑口說：唔會！大家都系成年人，渠應該睇咗訪問先知，系驚喜。

問到可考慮情侶檔合唱？Amy稱暫時不考慮：我只系剛剛開始，渠同隊友都有好多唔同慨合作。我係初步，大家各自做自己工作。她又稱沒要求Ian寫歌給她，至於會否私下唱情歌送她？Amy說：我平時有聽渠慨歌便夠，同大家一齊聽，唔需要私有化，在公在私都覺得渠系一個好歌手，我覺得渠的聲線好有辨識度，唱歌好好聽。

早前Ian生日，Amy指男友生日當天要開工，所以二人沒慶祝，對於Ian公開表示未收到女友的禮物，Amy說：有，我送咗好大慨祝福，系買不到，無價慨！當日已送咗祝福，唔想草率簡單，我哋儀式感唔重，系順其自然慨人。提到過去的父親節，可有見男方家長？她說：冇，我只同自己慨家人慶祝，仲未見過家長，時機成熟先。

另外，Alfred自從離開唱片公司後密密接job，他自言一直有努力，而今次口罩品牌，自己是用家，大家在網上結緣，而他更會大批入貨，因為日常以及牙醫工作上也需要大量口罩。Alfred正忙於為本週六的音樂會排練，他透露與音樂組合per se合作，將玩出新花樣，讓人期待。